Si një platformë dialogu publik-privat, Këshilli i Investimeve (KI) lehtëson dialogun ndërmjet sektorit publik dhe sektorit privat dhe formulon rekomandime për përmirësimin e klimës së investimeve në Shqipëri, të cila më pas i propozohen qeverisë shqiptare për vendimmarrje. KI mblidhet periodikisht, çdo tre muaj, sipas një axhendë të miratuar nga anëtarët e tij. Ndërkohë, Sekretariati organizon mbledhje fokus grup dhe tryeza të rrumbullakëta për të diskutuar në nivel teknik shqetësimet e biznesit nën këndvështrimin e sektorit privat dhe të qeverisë.