Fillimisht, Kryetari i Sekretariatit me ndihmën e ekspertëve organizon mbledhje me përfaqësues të biznesit për të identifikuar problematika të vërteta.
Së dyti, stafi i Sekretariati liston çështjet e identifikuara dhe ia paraqet ato anëtarëve të KI në formën e një draft axhende për aprovim si çështje për t’u ndjekur.
Së treti, me futjen e problematikës në axhendë, Sekretariati i KI përgatit një analizë të thelluar, diagnostikon dhe përgatit rekomandime për t’u miratuar nga anëtarët e Këshillit të Investimeve.
Së katërti, stafi i Sekretariatit, me miratim të Këshillit ndjek në vijim hapat e mëtejshëm derisa të miratohen nga KM apo institucione të tjera qeveritare.
Të gjithë hapat e mësipërm do të publikohen në faqen e Sekretariatit të Këshililt të Investimeve për të treguar transparencën gjatë proçesit.
Shkurtimit proçesi përmblidhet si më poshtë.
Bazuar në axhendën vjetore apo 6-mujore, Sekretariati përgatit një plan veprimi ku përfshihen gjërat për të bërë, personat dhe institucionet përgjegjëse dhe data e dorëzimit të rekomandimeve.
Sekretariati dërgon paraprakisht axhendën e mbledhjes së ardhshme, dokumentet përkatëse të përgatitura nga ekspertët. Për secilën tematikë, përgatitet një dokument shpjegues përgatitur nga ekspertët e Sekretariatit. Rekomandimet duhet të miratohen ose JO. Më pas, përgatiten minutat e mbledhjes dhe dërgohen me e-mail tek anëtarët brenda 5-7 ditëve.
Pas miratimit të minutave, ato publikohen në faqen e internetit dhe Sekretariati vijon me ndjekjen e hapave të mëtejshëm.
© Të drejtat e autorit 2015-2024 Këshilli i Investimeve në Shqipëri Të gjitha të drejtat e rezervuara. Zhvilluar nga Evolve Web Studio
