{"id":10642,"date":"2025-03-11T15:15:44","date_gmt":"2025-03-11T15:15:44","guid":{"rendered":"https:\/\/www.investment.com.al\/public-private-dialogue-on-data-protection-challenges-and-responsibilities-for-businesses\/"},"modified":"2025-05-14T08:08:09","modified_gmt":"2025-05-14T08:08:09","slug":"zbatimi-i-ligjit-per-mbrojtjen-e-te-dhenave-personale-sfida-dhe-detyrime-per-bizneset","status":"publish","type":"post","link":"https:\/\/www.investment.com.al\/sq\/zbatimi-i-ligjit-per-mbrojtjen-e-te-dhenave-personale-sfida-dhe-detyrime-per-bizneset\/","title":{"rendered":"Zbatimi i Ligjit p\u00ebr Mbrojtjen e t\u00eb Dh\u00ebnave Personale: Sfida dhe Detyrime p\u00ebr Bizneset"},"content":{"rendered":"

Tiran\u00eb, 10 mars 2025 \u2013 Sekretariati i K\u00ebshillit t\u00eb Investimeve dhe Komisioneri p\u00ebr t\u00eb Drejt\u00ebn e Informimit dhe Mbrojtjen e t\u00eb Dh\u00ebnave Personale, n\u00eb bashk\u00ebpunim me Shoqat\u00ebn e Investitor\u00ebve t\u00eb Huaj n\u00eb Shqip\u00ebri (FIAA), organizuan nj\u00eb dialog me komunitetin e biznesit, ku mor\u00ebn pjes\u00eb rreth 40 biznese vendase dhe t\u00eb huaja, mbi nd\u00ebrgjegj\u00ebsimin p\u00ebr t\u00eb drejtat dhe detyrimet q\u00eb rrjedhin nga Ligji nr. 124\/2024 \u201cP\u00ebr Mbrojtjen e t\u00eb Dh\u00ebnave Personale\u201d. Ky takim \u00ebsht\u00eb pjes\u00eb e misionit t\u00eb K\u00ebshillit t\u00eb Investimeve dhe Sekretariatit Teknik p\u00ebr t\u00eb leht\u00ebsuar dialogun publik-privat dhe p\u00ebr t\u00eb ofruar nj\u00eb platform\u00eb gjith\u00ebp\u00ebrfshir\u00ebse p\u00ebr konsultime t\u00eb hapura mbi \u00e7\u00ebshtjet e biznesit.
\n<\/span>
\nGjat\u00eb fjal\u00ebs s\u00eb tij, Komisioneri p\u00ebr t\u00eb Drejt\u00ebn e Informimit dhe Mbrojtjen e t\u00eb Dh\u00ebnave Personale, z. Besnik Dervishi, theksoi se ky ligj ka nj\u00eb ndikim t\u00eb gjer\u00eb tek bizneset, pasi p\u00ebrcakton nj\u00eb s\u00ebr\u00eb risish sa i p\u00ebrket detyrimeve p\u00ebr p\u00ebrpunimin e t\u00eb dh\u00ebnave personale. Ai theksoi nevoj\u00ebn q\u00eb bizneset t\u00eb zhvillojn\u00eb n\u00eb koh\u00eb politika t\u00eb brendshme p\u00ebr mbrojtjen e t\u00eb dh\u00ebnave dhe t\u00eb p\u00ebrshtatin praktikat e tyre n\u00eb p\u00ebrputhje me rregulloret e reja. \u201cRisit\u00eb e ligjit t\u00eb ri na diktojn\u00eb drejt nj\u00eb fryme t\u00eb re, drejt nj\u00eb qasje t\u00eb re, prandaj \u00ebsht\u00eb shum\u00eb e nevojshme q\u00eb ligji t\u00eb kuptohet dhe zbatohet n\u00eb m\u00ebnyr\u00ebn e duhur nga t\u00eb gjith\u00eb dhe p\u00ebr k\u00ebt\u00eb do t\u00eb keni t\u00eb gjith\u00eb bashk\u00ebpunimin nga ana jon\u00eb, duke shpresuar dhe uruar n\u00eb vendosjen e nj\u00eb partneriteti luajal institucinal<\/em>\u201d, u shpreh z. Dervishi.
\n<\/span>
\nN\u00eb vijim, z. Balazs Revesz, President i FIAA, vler\u00ebsoi r\u00ebnd\u00ebsin\u00eb e k\u00ebtij dialogu si nj\u00eb mund\u00ebsi t\u00eb vlefshme p\u00ebr t\u00eb adresuar sfidat dhe p\u00ebrgjegj\u00ebsit\u00eb q\u00eb bizneset do t\u00eb ken\u00eb n\u00eb kuad\u00ebr t\u00eb zbatimit t\u00eb ligjit t\u00eb ri. Ai theksoi se transparenca dhe qart\u00ebsia n\u00eb interpretimin e dispozitave ligjore jan\u00eb thelb\u00ebsore, nd\u00ebrsa bizneset, ve\u00e7an\u00ebrisht ato q\u00eb p\u00ebrpunojn\u00eb volume t\u00eb larta t\u00eb dh\u00ebnash, duhet t\u00eb investojn\u00eb n\u00eb sisteme m\u00eb t\u00eb sigurta dhe t\u00eb p\u00ebrmir\u00ebsojn\u00eb kapacitetet e tyre p\u00ebr menaxhimin e rreziqeve. Z. Revesz n\u00ebnvizoi rolin e institucioneve publike dhe organizatave t\u00eb biznesit n\u00eb ofrimin e udh\u00ebzimeve dhe trajnimeve t\u00eb specializuara p\u00ebr p\u00ebrshtatjen me ligjin.
\n<\/span>
\nGjat\u00eb diskutimit t\u00eb hapur, p\u00ebrfaq\u00ebsuesit e biznesit ndan\u00eb shqet\u00ebsimet dhe komentet e tyre mbi sfidat praktike t\u00eb zbatimit t\u00eb ligjit, duke theksuar nevoj\u00ebn p\u00ebr qart\u00ebsi mbi rolet dhe p\u00ebrgjegj\u00ebsit\u00eb e tyre ligjore. Ata ngrit\u00ebn \u00e7\u00ebshtje lidhur me kostot shtes\u00eb q\u00eb mund t\u00eb krijoj\u00eb zbatimi i rregullores, burimet e nevojshme p\u00ebr t\u00eb garantuar p\u00ebrputhshm\u00ebrin\u00eb dhe sfidat n\u00eb menaxhimin e t\u00eb dh\u00ebnave t\u00eb ndjeshme. Gjithashtu, ata k\u00ebrkuan m\u00eb shum\u00eb udh\u00ebzime mbi procedurat specifike p\u00ebr raportimin e shkeljeve, detyrimet p\u00ebr ruajtjen e t\u00eb dh\u00ebnave dhe mekanizmat e auditimit dhe mbik\u00ebqyrjes.
\n<\/span><\/p>\n

\n
\n
\n Agjenda e Mbledhjes mbi Ligjin \u201cP\u00ebr Mbrojtjen e t\u00eb Dh\u00ebnave Personale\u201d<\/span><\/a>
\n
\n
\n Prezantim PPT i Ligjit Nr. 124\/2024 \u201cP\u00ebr mbrojtjen e t\u00eb dh\u00ebnave personale\u201d<\/span><\/a>
\n
\n
\n Minutat e Mbledhjes mbi Ligjin \u201cP\u00ebr Mbrojtjen e t\u00eb Dh\u00ebnave Personale\u201d<\/span><\/a>\n<\/div>\n