Lajmet Kryesore, Lajmet Kryesore, Tetor – Dhjetor 2024

Forumi i Biznesit 2024, “Raise the Challenge,” i organizuar nga Korporata Shqiptare e Investimeve më 5 dhjetor, shërbeu si një platformë bashkëpunimi midis politikëbërësve, investitorëve, bizneseve dhe ekspertëve për të diskutuar zhvillimin ekonomik përmes investimeve, inovacionit dhe partneriteteve publike-private. Në këtë aktivitet, Sekretariati i Këshillit të Investimeve theksoi rëndësinë e një dialogu paraprak e gjithëpërfshirës, përshpejtimin e reformave për kadastrën dhe regjistrimin e pronës shtetërore, duke i cilësuar këto si elementë thelbësorë për rritjen e besimit të investitorëve dhe rëndësinë e përafrimit te projekteve të reja me objektivat e një ekonomie të gjelbër dhe digjitale.

Më 13 dhjetor, gjatë Ceremonisë Mbyllëse të Javës së Integritetit, organizuar nga Ministrja e Shtetit për Administratën Publike dhe Antikorrupsionin, Sekretariati theksoi rëndësinë e ndërtimit të besimit përmes krijimit të institucioneve të forta dhe ofrimit të shërbimeve transparente e të qëndrueshme për bizneset, referuar analizave të KI, kryesisht për shërbime të rëndësishme si inspektimet, taksat, doganat dhe të tjera. 

Po ashtu, më 19 dhjetor, në aktivitetin mbi inicimin e monitorimit të progresit të integrimit dhe Planit të Rritjes, organizuar nga CDI në bashkëpunim me Ambasadën Hollandeze, Sekretariati theksoi rëndësinë e angazhimit qytetar në këtë proces unik, mbështetjen e KI në drejtim të bashkëpunimit me sektorin privat bazuar në eksperiencën e deritanishme (2015-2025), si edhe forcimin e bashkëpunimit ndërmjet qeverisë dhe shoqërisë civile për të siguruar një proces efikas dhe të bazuar në objektiva të qarta.