Sekretariati i Këshillit të Investimeve Mbështet dhe Nxit Zbatimin e Ligjit “Mbi Njoftimin dhe Konsultimin Publik”
- 8 February, 2016
Një nga shqetësimet më të mëdha të biznesit të parashtruara në takimet me Sekretariatin është mospërfshirja e biznesit në diskutimet dhe konsultimet paraprake lidhur me inicitiativat ligjore që ndërmerren.
Nisur nga kjo, Këshilli i Investimeve rekomandoi në Dhjetor 2015 nevojën për diskutim dhe konsultim paraprak me biznesin të iniciativave ligjore mbi bazën e parashikimeve të Ligjit Nr. 146/2014 “Për Njoftimin dhe Konsultimin Publik”. Ky Ligj parashikon në mënyrë të detajuar rregullat proçedurale që duhen zbatuar për të garantuar transparencën dhe pjesëmarrjen e publikut në proceset politikëbërëse dhe vendimmarrëse nga organet publike.
